من يموّل الزمالك؟.. 7 مليون دولار غرامات وبدون راعي رسمي
مازالت حرب التصريحات مشتعلة بين مسؤولي ومنتسبي قطبي الكرة المصرية الأهلي والزمالك، حيث أطلق إبراهيم المنيسي، مقدم برنامج “ملك وكتابة ورئيس تحرير مجلة الأهلي، تصريحات نارية تجاه محمود عبدالرازق شيكابالا كابتن الزمالك.
وكان شيكابالا قد خرج مهاجما المنظومة الرياضية قائلاً إن الأهلي يتلقى دعما غير عادي، في وقت يترك فيه الزمالك يحارب وحده على كل الجبهات.
وجاء رد المنيسي: أنا عايز أعرف بس مين بيعمل إيه للأهلي؟ احنا شغالين في نفس الجو اللي إنت فيه، بل إنت اللي بتاخد قروض ودعم والأهلي لا.
وتابع: الزمالك بيتغير له أنظمة وبيُمنح رخص رغم المديونيات، وبيدخل فترات قيد عليه ديون، وبيتم التساهل معاه، لو حد بيتسند وبيتساعد فهو الزمالك مش الأهلي.
وتساءل:يعني إيه تساعدونا ولا نقفل النادي ونلعب خماسي؟! اللي خرجك من الكونفدرالية مش إحنا، إنت اللي خسرت في الدوري وقدمت نفسك لبيراميدز على طبق دهب.
وأوضح: الأهلي جاب صفقات بـ6.9 مليون دولار من ماله الخاص، في حين الزمالك دفع 6.5 مليون دولار غرامات ومستحقات، هنا نسأل السؤال: الفلوس دي جت منين يا شيكا؟!
واختتم قائلا: أنا ميزانيتي معلنة ومصادر الفلوس معروفة، لكن الزمالك؟! أنا بتحدى حد يقول مصدر فلوس غراماته منين، قولولنا بس الفلوس دي جاية منين؟!
