رسالة مثيرة من كهربا لـ جماهير الزمالك.. ما القصة؟
حرص محمود عبد المنعم “كهربا” لاعب الفريق الأول لكرة القدم بالنادي الأهلي، على توجيه رسالة لجماهير ناديه السابق الزمالك.
رسالة كهربا لجماهير الزمالك
وقال كهربا: “حققت مع الزمالك بطولات لكن كان عندي طموحات أكبر من كده، ومن صغري وانا اهلاوي وبحضر في المدرجات مع الالتراس وكنت بعيط ساعات”.
وأضاف من خلال استضافته ببرنامج “أسرار” مع الإعلامية أميرة بدر المذاع على قناة النهار: “ومحستش اني اكبر من الزمالك، وطموحي في الزمالك كان هيبقى صعب”.
وأوضح: “الزمالك له فضل عليا، لكن الأهلي كان طموحي الأكبر، وانا اثق في نفسي من قدراتي لكن مش مغرور، ولما لعبت في البرتغال كان نادي صغير ومكنش هيقدمني، وجمهور الزمالك احب اقولهم انا ولا اذيتكم ولا شتمت وده اللي اتربيت عليه، واللي بيغلط فيا ربنا يسامحوا، وانا اتحاربت كتير، واي حد في مكاني كان عمل اكتر من كده، لكن اللي فات مات”.
