رضا عبدالعال لجماهير الزمالك : مصطفى شلبي دا لو راح نادي تاني هيندمكم

تحدث رضا عبد العال نجم الأهلي والزمالك السابق، عن صفقة الفريق الأول لكرة القدم بنادي الزمالك الجديدة، مصطفى شلبي، وعن هجوم الجماهير له خلال الفترة الأخيرة.

وقال رضا عبدالعال من خلال تصريحات تليفزيونية : “مصطفى شلبي والله ده رمضان صبحي، بس ازاي تبقى نازل مباراة وجمهورك بيشتمك”.

وواصل : “جمهور الزمالك فكرني لما كنت بتخانق معاهم اقولهم حسين السيد الي هيلعب مش نادر السيد ولا ايمن طاهر ولازم تدعموه، وكانوا وقتها بيشجعوا اللاعب الي موجود على الدكة، وده كان بيسبب إحباط لحسين السيد”.

وتابع : “انت بتشتم مصطفى شلبي من قبل ما يبدأ الماتش، هيلعب هو ازاي؟، هو اهلاوي وكان هيروح الأهلي وده مش ذنب، ما في لعيبة زملكاوية في الأهلي والعكس صحيح”.

واتم : “يجب على جمهور الزمالك أن يحتوي مصطفى شلبي، علشان لو راح حتة تانية هيندمكم”.