تريزيجيه: لن ألعب في مصر سوى للأهلي
قام محمود حسن تريزيجيه لاعب طرابزون سبور، بالتعليق على مستقبله مع الفريق التركي، وعودته لصفوف النادي الأهلي.
وقال تريزيجيه في تصريحات تليفزيونية: تريزيجية : من وانا 8 سنين وأنا في الأهلي، ملعبتش في أي فريق في مصر غير الأهلي وعمري ما هلعب تاني في مصر غير في الأهلي وده عمره ما هيكون كلام تليفزيون.
وتابع: أنا حاليًا محترف بره وشايل اسم الأهلي، وبحاول اني خلي بالي من كل حاجة، ومعملش أي حاجة غلط لحسن يقولوا ابن الأهلي غلط، وحقيقي اللي جرب يلعب كرة في الأهلي صعب يلعب في نادي مصري تاني.
وأشار: مستر مانويل جوزية قالي انت أحسن ناشئ دربته، وهتكون أفضل لاعب في مصر.
وأضاف: كنت في قطاع الناشئين بالنادي الأهلي، وكان هناك وكيل قطري وطلب تجنيسي.
وواصل: لما طلعت من النادي الاهلي ، مكنتش حابب يقولوا ابن الأهلي فشل بره.
