أبو تريكة يوجه رسالة هامة إلى محمد صلاح ويكشف سر تراجع مستواه في ليفربول 

في تصريحات مثيرة، وجه محمد أبو تريكة، أسطورة الأهلي ومنتخب مصر السابق، رسائل هامة إلى محمد صلاح، نجم نادي ليفربول الإنجليزي، عقب فوز الريدز على أستون فيلا بهدفين دون رد في الدوري الإنجليزي الممتاز.

أبو تريكة: ده قدر النجوم يا صلاح

وقال أبو تريكة عبر قناة beIN Sports:

ده قدر النجوم يا صلاح، إنك تتحمل كل حاجة قبل المدرب، وجودك حامي آرني سلوت، والانتقادات كلها بتتوجه ليك لأنك الأسم الأكبر.

وأضاف: محمد صلاح اتعرض لهجوم كبير من الصحافة وجماهير ليفربول، والناس بتقول هو المشكلة! هو اللي جابلكم الدوري لوحده الموسم اللي فات… ده دوري محمد صلاح.

وأكد أبو تريكة أن صلاح لا يجب أن يتحمل وحده تراجع الأداء، قائلًا:

بعد الصفقات الجديدة لازم اللي حواليه يساعدوه، مش كل حاجة يشيلها لوحده.

وتابع : اللي بيعمله محمد صلاح في الدوري الإنجليزي عظمة، بس لما المستوى ينزل، اللوم دايما بيروح على النجم الأول، وده قدر النجوم الكبار.

وختم حديثه برسالة خاصة إلى قائد الفراعنة:

محمد صلاح لازم يكبر دماغه من النقد، ويركز في نفسه علشان يكون في قمة حالته قبل كأس الأمم الإفريقية، هو مش محتاج يثبت حاجة لحد، لما يستمتع هتشوفوا منه أجمل كورة.