نجم الأهلي يفجّر المفاجأة: توروب بيعمل حاجة محدش عملها قبل كده

كشف نجم فريق الكرة الأول بالنادي الأهلي، عن أسلوب غير تقليدي يتبعه الدنماركي ييس توروب المدير الفني للفريق، في التعامل مع اللاعبين منذ توليه المسؤولية، مؤكدًا أن الطريقة الجديدة أحدثت تغييرا ملحوظا في أجواء الفريق.

10 أسماء يوميًا.. توروب يطبق سياسة غريبة داخل الأهلي

وقال ياسر إبراهيم نجم النادي الأهلي تصريحات تلفزيونية: ييس توروب بيختار كل يوم 10 لاعيبة، ويقعد معاهم واحد واحد، يعرض لكل واحد فيديوهات خاصة به، يوضّح له نقاط قوته، والحاجات اللي محتاجة تطوير.

وأضاف مدافع الأهلي: المدير الفني بيشتغل بطريقة محترفة جدًا وهادية، وبيتعامل معانا باحترام كبير، وده مخلينا مرتاحين ومبسوطين جدًا بوجوده».

وتابع: إحنا كمدافعين بنذاكر كويس الفرق اللي هنلعبها خصوصا المهاجمين، والزمالك عنده عناصر هجومية قوية وسيف الجزيري رأس حربة مميز.