شوبير يفتح النار على بيراميدز.. هو احنا ملطشة!
وجه الإعلامي أحمد شوبير تصريحات نارية ضد نادي بيراميدز ومسؤوليه، خاصة هاني سعيد المدير الرياضي.
وانتقد شوبير، هاني سعيد المدير الرياضي لنادي بيراميدز، على إثر تصرف الأخير مع محمد غانم، مقدم الاستديو التحليلي لمباراة الزمالك وبتروجت، في بطولة الدوري.
وقال شوبير، خلال تصريحات إذاعية: هاني سعيد طلع تاني وهاجم الناس اللي عملت معاه مداخلة، هو احنا قاعدين ملطشة!، يعني بدل ما يعتذر قال القناة كانت قاصدة!، قاصدة إزاي وهى قطعت الاستديو علشان تهنيك وتفرحك.
وتابع: محدش طلع يتكلم على التصرف ده، وخايف أنا ألاقي مكتوب فيا مذكرة من النادي، ولكني مش هبطل كلام.
وكان شوبير قد قال، في تصريحات إذاعية: «أتعجب من تصرف هاني سعيد بالأمس مع مذيع أون سبورت، يعني الراجل يا كابتن هاني بيكلمك بعد الماتش يباركلك وفرحان تقوم تقفل السكة في وشه؟!.
